அருவி
மேக மகள் தொட்டு செல்லும்
உயரம் !
இயற்கை எழில் கொஞ்சும்
ஒரு நகரம் !
வான மகள் கொடை அருளிய
நீர்க் குவியல் !
கண்களுக்கு விருந்தாய் அமைய
கொட்டுது அருவி !
-ஜெகன்
கவிதை - சிற்பம்
சிற்பம்
மணலில் வரையும்
சிற்பமாய் அல்ல !
கல்லில் வடிக்கும்
சிற்பமாய் இரு !
நிலைப்பாய்
காலங்கள் தாண்டி !
- வாழ்த்துக்களுடன்
ஜெகன்
கவிதை - உன் காலடியில்
உன் காலடியில்
சிகரம் என்று
மலைக்காதே
உச்சியை அடைந்த பின்
சிகரமும்
உன் காலடியில்!
- வாழ்த்துக்களுடன்
ஜெகன்
கவிதை - கனவு நிறைவேற
கனவு நிறைவேற
கனவு நிறைவேற
வழி தேடுங்கள் !
கனவு நிறைவேற
முயற்சி எடுங்கள் !
கனவு நிறைவேற
பயிற்சி எடுங்கள் !
கனவு நிறைவேற
பிடிவாதமாய் இருங்கள் !
கனவு நிறைவேற
உழைத்திடுங்கள் !
நிறைவேறிய பின்
அதனை கொண்டாடுங்கள் !
- வாழ்த்துக்களுடன்
ஜெகன்
கவிதை - சொர்க்கம்
சொர்க்கம்
மரங்கள் அடர்ந்திருந்தால்
அது காடு !
வீடுகள் அடர்ந்திருந்தால்
அது வீடு !
மனித நேயம் அடர்ந்திருந்தால்
அதுவே சொர்க்கம் !
- வாழ்த்துக்களுடன்
ஜெகன்
கவிதை - வாழ்வை மாற்றும்
வாழ்வை மாற்றும்
சேரும் ஒவ்வொரு
துளியும் ஆறாக
மாறும் !
நடக்கும் ஒவ்வொரு
அடியும் இமயம்
எட்டும் !
சேர்க்கும் ஒவ்வொரு
காசும் பயன்
தரும் !
விதைக்கும் ஒவ்வொரு
விதையும் நிச்சயம்
முளைக்கும் !
சிந்தும் ஒவ்வொரு
துளி வியர்வையும் நிச்சயம்
முத்தாய் மாறும் !
கற்கும் ஒவ்வொரு
விஷயமும் வாழ்வை
மாற்றும் !
- வாழ்த்துக்களுடன்
ஜெகன்
கவிதை - விழுந்த பிறகே
விழுந்த பிறகே
தவறு செய்த பிறகே
திருந்துகிறோம் !
விபத்து நிகழ்ந்த பிறகே
வருத்தப்படுகிறோம் !
காலம் கடந்த பிறகே
யோசிக்கிறோம் !
தண்ணீர் தீர்ந்த பிறகே
சேமிக்கிறோம் !
பணம் தீர்ந்த பிறகே
சேமிக்கிறோம் !
வயது தீர்ந்த பிறகே
உணர்கிறோம் !
நோய் வந்த பிறகே
கவனிக்கிறோம் !
இடறி விழுந்த பிறகே
நிமிர்கிறோம் !
விழுவதை விட
விழுந்த பின்
எழுவதே சிறப்பு !
- வாழ்த்துக்களுடன்
ஜெகன்
Subscribe to:
Posts (Atom)
Follow Us
Were this world an endless plain, and by sailing eastward we could for ever reach new distances